२००० साली सुरु झालेल्या या शाळेला अजून पर्यत कुठलेही सरकारी अनुदान मिळालेले नाही. ९ विशेष शिक्षक, ३ सहशिक्षिका, ३ कलाशिक्षिका, ६ मदतनीस, एक लिपिक आणि शिपाई असा सर्व कर्मचारी वर्ग अल्पशा मानधनावर कार्यरत आहे.
ह्या मुलांना सांभाळण्यासाठी खूप संयम ठेवावा लागतो. प्रत्येक विद्यार्थ्यांचा बुध्यांक वेगळा आणि प्रत्येकाच्या समस्याही वेगळ्या असतात. पण तरीही सर्व शिक्षक कर्मचारी त्यांना आनंदाने सांभाळतात. त्यांच्याकडून जास्तीत जास्त कौशल्ये करवून घेतात.
शाळेच्या आवारात प्रशस्त फुलबाग आणि फळबाग आहे. महेंद्रा आणि महेंद्राने ७० फळझाडे लावली आहेत. नाशिक रनच्या देणगीतून प्रशस्त रँम्प उभारला आहे. आमदार निधीतून श्री. समीर भुजबळ यांनी स्टेज बांधून दिले आहे. सांस्कृतिक कार्यकमासाठी त्याचा चांगला उपयोग होतो बाकी सर्व कामकाज प्रबोधिनी विद्यामंदिर प्रमाणेच चालते.
दिपक मंडळ नाशिक यांच्यातर्फे १२.१२.१२चे औचित्य साधून नाट्य सादरीकरणाच्या कार्यक्रमात सुनंदा केलेने सादर केलेल्या’ ‘वनराई’ या नाटकाची अमेझिंग बुक रेकोर्डमध्ये नोंद करण्यात आली आहे.
श्रीमती सुनंदा केले विद्यामंदिर
आय. टी. आय मागे सुशील आय हॉस्पिटल समोर सातपूर नाशिक
फोन नं – ०२५३-२३६२७२३/२४
